سلسلہ اصلاح تَلَفّظ : ایک زندہ قوم کے افراد اپنی قومی زبان سے کبھی پہلوتہی نہیں کرتے۔

میرے عزیزو ! اِصلاحِ تَلَفُّظ کی خاطر ،اپنی گفتگو کا آغاز ایسے اُردُو الفاظ کے ذکر سے کرتےہیں جو عربی سے اُرُدو میں لئے گئے ہیں ۔ یاد رکھیں ! عربی کے جو الفاظ اُردُو میں استعمال ہوتے ہیں ان میں سے بیش تر
" مصدر " ہیں اور تین حرفوں پر مشتمل ہیں یعنی "سہ حرفی" ہیں۔عربی میں ایسے
" افعال " کے چالیس سے زائد وزن ہیں لیکن ہم صرف اُن اَوزان پر بات کریں گے جو اُردُو میں استعمال ہوتے ہیں۔
1۔فَعْل کے وزن پر آنے والے اُردُو الفاظ

ہم کہہ سکتے ہیں اُردُو کے ایسے الفاظ جن کے پہلے حرف پر زبر ہو (مفتوح) اور آخری دو حرف ساکن ہوں۔
جیسے صَبر - عَرض - قَرض - فَرض - شَکل- شَرط - شَرح - طَرح - فَتح - ہَرج - جَمع - رَفع - وَضع - حَذف - فَرق - دَخل - فَضل - خَتم - ہَضم -حَجم - غَلط - سَمت - نَفل ۔۔۔۔۔
درج بالا الفاظ کا پہلا حرف مفتوح یعنی زبر(-َ) والا ہے۔
·مصدر: اسے الفاظ جن سے مزید لفظ بنتے ہوں۔جیسےکھیل سےکھیلنا، کھلانا، کھلاڑی
· افعال: فعل کی جمع ،مطلب کام مثلاً کھانا ، پینا، سونا۔۔۔۔
· مفتوح:جس حرف پر زبر ہو۔
·جس پر کوئی علامت زیر، زبر ، پیش وغیرہ نہ ہو۔
2۔ اب ہم فِعْل کے وزن پر آنے والے "سہ حرفی" اُردُو الفاظ کا بیان کرتےہیں۔ ایسے الفاظ کے پہلے حرف کے نیچے زیر (ـِ) ہوتی ہے، مگر دوسرا اور تیسرا حرف ساکن ہوتے ہیں
فِعْل کے وزن پر آنے والے اُردُو الفاظ،  ہم کہہ سکتے ہیں اُردُو کے ایسے الفاظ جن کے پہلے حرف کے نیچے زیر (-ِ) (مکسور) ہو اور آخری دو حرف ساکن ہوں۔ جیسے
اِذن (اجازت و حکم ) - عِلم ـ حِلم ـ صِدق - ذِکر ـ
فِکر - نِڈر - عِطر - مِٹی - مِثل ۔۔۔۔
درج بالا الفاظ کا پہلا حرف (مکسور)یعنی زیر(-ِ) والا ہے۔ 

تبصرے

ایک تبصرہ شائع کریں

اس بلاگ سے مقبول پوسٹس

اُردُو کے شرارتی حروف...

تصویر
شرارتی حروف: وہ حروف ہوتے ہیں جو اپنے سے پہلے آنے والے حرف سے دوستی کر کےاُسے اپنے ساتھ ملا لیتے ہیں مگر اپنے بعد آنے والے حرف سے دوستی نہیں کرتے اور ناں اُسے اپنےساتھ ملاتے ہیں بلکہ اُس سے فاصلہ کر لیتے ہیں اور اُسےاکیلا چھوڑ دیتے ہیں. (خود غرضی کی حد نہیں ویسے ۔۔۔؟) مثالیں ملاحظہ کریں ا... بات، کام، نام، عام، شام، انجام، آرام۔۔۔ د... بدن، دُودھ، دیوار، دکھ، دروازہ،  خدا، خدمت۔۔۔۔ ڈ... ڈبڈبانا، رنڈوا، ڈگری، ڈگمگانا، ڈُوبنا، ڈور، ڈوری۔۔۔۔۔ ذ... نذر، ذرّہ نواز، ذی آبرُو،  ذرا ذرا، ذرّات۔۔۔ ر... برس، طرح،  فرار، رات، راج، پریت،  راکھ۔۔۔۔   ڑ... ٹیڑھا، ریوڑ، ریوڑی، ریڑھا،۔۔۔(یہ حرف کسی لفظ کے شروع میں نہیں آتا۔) ز... زمزم، معجزہ،  زارینہ، زاغ، زانو، زرداری، زیادہ۔۔۔ ژ... ٹیلی ویژن،ژالہ باری، ژرف نگاہ و... تول، پول، نول، ہیولہ، علوم،نیولا۔۔۔ کچھ لوگ بھی ایسے ہی "سمارٹ" بنتے ہیں ناں...! کچھ نہ کچھ لینے کے لیے دوسروں کے ساتھ مل جانا... پر دوجیاں نوں کجھ دین لگیاں انہاں دی جان نکلدی اے 😜
مزید پڑھیں

مراۃ العروس کا تنقیدی و فکری جائزہ۔۔

تصویر
اُردُو زبان میں سب سے پہلے جس شخصیت نے باقاعدہ طور پر ناول نگاری کا آغاز کیا اس کا نام مولوی نذیر احمد ہے۔ ناقدین کی اکثریت نے مولوی صاحب کو اُردُو زبان کا پہلا ناول نویس تسلیم کیا ہے۔ کیونکہ ان کے ناول، ناول نگاری  کے فنی لوازمات پر پورے اترتے ہیں۔ اُنہوں نے اُردُو کا پہلا ناول " مراۃ العروس 1869ء" میں لکھا۔ "بنات النعش"، " توبتہ النصوح"،"فسانہ مبتلا "، "ابن الوقت"، "رویائےصادقہ"اور "ایامی ٰ" ان کے مشہور ناول ہیں۔  نذیر احمد نے یہ ناول انگریزی اد ب سے متاثر ہو کر لکھے۔ لیکن ا ن کا ایک خاص مقصدتھا۔ خصوصاً جب 1857ء کی جنگ آزادی کے بعد مسلمان اپنا قومی وجود برقرار رکھنے کی کوشش میں مصروف تھے۔ نذیر احمد نے اپنے ناولوں کے ذریعے سے جمہور، خصوصاً طبقہ نسوا ں    کی نئی نسل کی معاشرتی واصلاحی تعلیم و تربیت کا بیڑا اٹھایا۔  ہم کہ سکتے ہیں اُن کے ناولوں کا مقصد مسلمانان ہند کی اصلاح اور ان کو صحیح راستے پر ڈالنا تھا۔  اصلاح کے ساتھ ساتھ انھوں نے اردو ادب کو اپنے ناولوں کے ذریعے بہترین کرداروں سے نوازا۔ ان کے...
مزید پڑھیں

اُردُو لکھنے میں کی جانے والی عام غلطیاں Urdu Lekhnay main ke jany wali Aam Ghaltian

تصویر
پہلی اُردُو کے مرکب الفاظ الگ الگ کر کے لکھنا چاہیئے، کیوں کہ عام طور پر کوئی بھی لفظ لکھتے ہوئے ہر لفط کے بعد ایک وقفہ (اسپیس) چھوڑا جاتا ہے، اس لیے یہ خود بخود الگ الگ ہوجاتے ہیں۔ دراصل تحریری اُردُو طویل عرصے تک ’کاتبوں‘ کے سپرد رہی، جو جگہ بچانے کی خاطر اور کچھ اپنی بے علمی کے سبب بہت سے لفظ ملا ملا کر لکھتے رہے۔ جس کی انتہائی شکل ہم ’آجشبکو‘ کی صورت میں دیکھ سکتے ہیں۔ بہت سے ماہرِ لسانیات کی کوششوں سے اب الفاظ الگ الگ کر کے لکھے تو جانے لگے ہیں، لیکن اب بھی بہت سے لوگ انہیں بدستور جوڑ کر لکھ رہے ہیں۔ بات یہ ہے کہ جب یہ اردو کے الگ الگ الفاظ ہیں، تو مرکب الفاظ کی صورت میں جب انہیں ملا کر لکھا جاتا ہے، تو نہ صرف پڑھنا دشوار ہوتا ہے، بلکہ ان کی ’شکل‘ بھی بگڑ جاتی ہے۔ مندرجہ ذیل میں ان الفاظ کی 12 اقسام یا ’طرز‘ الگ الگ کر کے بتائی جا رہی ہیں، جو دو الگ الگ الفاظ ہیں یا ان کی صوتیات کو سامنے رکھتے ہوئے انہیں الگ الگ کرکے لکھنا ضروری ہے۔ *جب کہ، چوں کہ، چناں چہ، کیوں کہ، حالاں کہ *کے لیے، اس لیے، اس کو، آپ کو، آپ کی، ان کو، ان کی *طاقت وَر، دانش وَر، نام وَر *کام یاب، کم یاب، فتح یاب،...
مزید پڑھیں