اُردُواملا کے اہم اصول

اُردُواملا کے اہم اصول 



"املا" کے لغوی معنی ہیں۔۔۔ پر کرنا، یاد رکھنا یا لکھوانا۔

اصطلاحاً اس کا مطلب ہے رسمِ خط ( رسم الخط) کے مطابق صحت سے لکھنا ۔

نامور ماہرِ لسانیات رشید حسن خان نے اپنی کتاب میں اُردُو املا کی تعریف ان الفاط میں درج کی ہے،

" اُردُو کے رسمِ خط کے مطابق، لفظ میں حرفوں کی ترتیب کا تعین، ترتیب کے لحاظ سےاس لفظ میں شامل حروف کی صورت اور حرفوں کا متعارف طریقہ، ان سب کے مجموعے کا نام "املا" ہے۔"             ( اُردُو املا"صفحہ 22)

اپنے اس مؤقِف کی مزید وضاحت وہ اس طرح کرتے ہیں۔

" الفاظ کی صورت نویسی کا تعلق املا سے ہے۔ اس صورت نویسی میں مستعمل روشِ خط کو صورت نویسی کی بنیاد مانا جائے گا اور اسی روش کے تعینات کےمطابق حرفوں کے جوڑ پیوند کی مختلف شکلوں کی معیاربندی کی جائے گا۔چونکہ اُردُو میں تحریر کی حد تک مسلّمہ طور پرخطِ نستعلیق کی روش برتی جاتی ہےاس لیے حرفوں کے جوڑ اور لفظوں کی مجموعی صورت نگاری کے لیے اسی روش کوبنیاد مانا جائے گا۔" ( اُردُو املا"صفحہ23 ،22)

اُردُو املا کے اصول و قواعد اور مسائل اتنے زیادہ ہیں کہ ایک مضمون میں ان کا احاطہ کرنا ممکن نہیں، یہاں ہم چند  اہم اصول وقواعد  کا ذکر کریں گے۔

1. ۔اُردُو حروفِ تہجی میں متعدد حروف ایسے ہیں جو قریب قریب یکساں یا ملتی جلتی آوازوں کی نمائندگی کرتے ہیں۔ان حرفوں سے مرکّب الفاظ سن کر(آوازوں کی مماثلت کی بنا پر)  ان کو احاطہ تحریر لاتے ہوئے ،( املا میں) غلطی ہو جاتی ہے۔ایسے حروف کو سات اقسام میں تقسیم کیا جا سکتا ہے۔

  • ا ۔ ع  (الف اور عین)نیز  ہمزہ(ء)  والے حروف
  • ت  اور "ط" سے شروع والے حروف
  • ح اور "ہ" سے شروع والے حروف
  • ث،س    اور "ص" والے حروف
  • ظن   اور " زَن" والے حروف
  • ق، "ک" والے حروف
  • ژ   اور " ی" والے حروف


  • ا ،    ع   (الف اور عین)  نیز   ہمزہ (ء)   والے حروف


"الف "سے شروع ہونے والے الفاظ اور ان کے  معنی

اَلَم؛ غم، دکھ، رنج
اَمَل امید ، آرزو، ارمان
اَرض زمین

"ع  "سے شروع ہونے والے الفاظ  اور ان کےمعنی

عَلَم؛ جھنڈا
عَمَل؛ کام ،مشغلہ
عَرض؛ گذارش، التماس، چوڑائی
فَاعِل؛ کام کرنے والا
فَائل؛ مِسل، کاغذات کا مجموعہ
مُعَجَّل؛ فوراً، جلد، ہاتھوں ہاتھ
مُؤجَّل؛ مہلت دیا گیا،کسی اور وقت کرنے کی اجازت دی گئی

ت   اور "ط" سے  شروع  والے حروف                                                                                                

"ت "سے شروع ہونے والے الفاظ معنی "ط  "سے شروع ہونے والے الفاظ معنی
تارِک چھوڑنے والا طارِق وہ ستارہ جو صبح کو نکلتا ہے
تابِع ماتحت،مطیع،فرماں بردار طابِع چھاپنے والا،پر نٹر

ح اور "ہ" سے شروع والے حروف     

"ح"سے شروع ہونے والے الفاظ معنی                              "ہ  "سے شروع ہونے والے الفاظ معنی
حامی مدد کرنے والا، مددگار                                                     ہامی اقرار، ہاں کرنا
حلقہ دائرہ،احاطہ،لوہے، لکڑی یا اور کسی چیز سےبنا گول کنڈا،مجلس، جماعت،علاقہ ہلکا کم وزن،سبک،کم ظرف،گھٹیا،بے عزت،حقیر

ث،س ، "ص" والے حروف


"ث"والے الفاظ معنی "س  " والے الفاظ معنی
کثرت زیادتی،افراط،بہتات                           کَسَرت ورزش،مشق،مہارت
حَسِین خوب صورت حَصِین مظبوط
رَسَد راشن،زادِراہ،جَنس غلہ،حِصّہ نصیب،ذخیرہ، جو قافلے یا لشکر کے ہمراہ ہو۔ رَصَد دیکھنا،مشاہدہ (نجومِ فلکی کا)

ذ، ز، ض اور" ظ"  والے حروف


الفاظ معنی ا لفاظ معنی
نذیر                                      ڈرانے والا                                                     نظیر مانند،نمونہ،مثال
آذر ایرانی شمسی سال کا نواں مہینہ، جو جنوری میں آتا آزر حضرت ابراہیم علیہ السلام کے والد کا نام
غیض ناقص،ادھورا، ناتمام بچہ جو وقت سے پہلے پیدا ہو جائے     غَیظ سخت غصہ، قہر
ظَنّ گمان،خیال،اندیشہ زَن عورت

ق  ۔ ک     والے حروف

            الفاظ معنی الفاظ معنی
              نُقطہ                             بندی،صفر،مرکز                      نُکتہ باریکی،تہہ کی بات،لطیفہ،چٹکلہ
                قَمَر                              چاند                                     کَمَر                             جسم کے بیچ کا   پچھلہ حصہ،پیٹھ،پشت
                                                                                                                                                             

" ژ   " اور " ی" والے حروف

" ی "اور "ے" سے شروع ہونے والے یا ایسے الفاظ جن میں "ی" موجود ہو، بےشمار ہیں۔ لیکن " ژ" سے شروع ہونے والے یا وہ الفاظ جن میں " ژ" مو جود ہو محدود ہیں۔ان سے اُردُو بولنے والے اصحاب بالعموم آگاہ ہیں۔ اس لیے "ی" اور "ژ" کی آوازوں میں مماثلت ہونے کے باوجود ان کو صحیح طور پر لکھنے میں دقّت پیش نہیں آتی۔

"ژ" کے ساتھ  لکھنے والے کثیرالاستعمال الفاظ کے معنی یہ ہیں۔
الفاظ                                                             معنی
اَژدَر                                                 اژدہا، لمبا موٹا سانپ
پَژمُردہ                                               افسردہ، مرجھایا ہویا
پَژ مُردگی                                           افسردگی غمگینی، بے کیفی
ژالہ                                              اولے پڑنا، اولوں کی بارش
ژاژ خائی                                         بے ہودہ گوئی،بکواس
ژرف                                              گہرا، عمیق،مکمل، انتہا کو پہنچا ہوا
ژولیدگی                                           پریشانی، الجھاؤ،الجھن
ژولیدہ                                       الجھا ہوا، پریشان درہم برہم
ژولیدہ مُو                                    بکھرے ہوئے بالوں والا
ژولیدہ حال                                   خستہ حال ،پریشان حال
شیرِ ژیاں                                     غضب ناک ،خوف ناک شیر
کَژدُم                                           بچھو، عقرب
مُژدہ                                      خوش خبری، بشارت، مبارک باد
مِژہ                                           پلک
مِژگان                                        مِژہ کی جمع پلکیں
نَژَاد                                     اصل ونسب ، نسل
ٹیلی وژن یا ٹیلی ویژن

ان کے علاوہ "ژ" والے کچھ اور حروف بھی ہیں لیکن وہ بہت کم استعمال ہوتے ہیں۔ باقی چھ اقسام کے الفاظ میں سے بعض کا باہمی فرق تو لہجے کی تبدیلی سے معلوم ہو سکتا ہےلیکن بہت سے الفاظ کی نوعیت ان کے محلِّ استعمال پر غور کرنے ہی سے معلوم ہو سکتی ہے۔ اس سلسلے میں ایک معیاری اور مستند لُغت کی مدد بھی لی جا سکتی ہے۔


جاری ہے۔۔۔

تبصرے

ایک تبصرہ شائع کریں

اس بلاگ سے مقبول پوسٹس

اُردُو کے شرارتی حروف...

تصویر
شرارتی حروف: وہ حروف ہوتے ہیں جو اپنے سے پہلے آنے والے حرف سے دوستی کر کےاُسے اپنے ساتھ ملا لیتے ہیں مگر اپنے بعد آنے والے حرف سے دوستی نہیں کرتے اور ناں اُسے اپنےساتھ ملاتے ہیں بلکہ اُس سے فاصلہ کر لیتے ہیں اور اُسےاکیلا چھوڑ دیتے ہیں. (خود غرضی کی حد نہیں ویسے ۔۔۔؟) مثالیں ملاحظہ کریں ا... بات، کام، نام، عام، شام، انجام، آرام۔۔۔ د... بدن، دُودھ، دیوار، دکھ، دروازہ،  خدا، خدمت۔۔۔۔ ڈ... ڈبڈبانا، رنڈوا، ڈگری، ڈگمگانا، ڈُوبنا، ڈور، ڈوری۔۔۔۔۔ ذ... نذر، ذرّہ نواز، ذی آبرُو،  ذرا ذرا، ذرّات۔۔۔ ر... برس، طرح،  فرار، رات، راج، پریت،  راکھ۔۔۔۔   ڑ... ٹیڑھا، ریوڑ، ریوڑی، ریڑھا،۔۔۔(یہ حرف کسی لفظ کے شروع میں نہیں آتا۔) ز... زمزم، معجزہ،  زارینہ، زاغ، زانو، زرداری، زیادہ۔۔۔ ژ... ٹیلی ویژن،ژالہ باری، ژرف نگاہ و... تول، پول، نول، ہیولہ، علوم،نیولا۔۔۔ کچھ لوگ بھی ایسے ہی "سمارٹ" بنتے ہیں ناں...! کچھ نہ کچھ لینے کے لیے دوسروں کے ساتھ مل جانا... پر دوجیاں نوں کجھ دین لگیاں انہاں دی جان نکلدی اے 😜
مزید پڑھیں

مراۃ العروس کا تنقیدی و فکری جائزہ۔۔

تصویر
اُردُو زبان میں سب سے پہلے جس شخصیت نے باقاعدہ طور پر ناول نگاری کا آغاز کیا اس کا نام مولوی نذیر احمد ہے۔ ناقدین کی اکثریت نے مولوی صاحب کو اُردُو زبان کا پہلا ناول نویس تسلیم کیا ہے۔ کیونکہ ان کے ناول، ناول نگاری  کے فنی لوازمات پر پورے اترتے ہیں۔ اُنہوں نے اُردُو کا پہلا ناول " مراۃ العروس 1869ء" میں لکھا۔ "بنات النعش"، " توبتہ النصوح"،"فسانہ مبتلا "، "ابن الوقت"، "رویائےصادقہ"اور "ایامی ٰ" ان کے مشہور ناول ہیں۔  نذیر احمد نے یہ ناول انگریزی اد ب سے متاثر ہو کر لکھے۔ لیکن ا ن کا ایک خاص مقصدتھا۔ خصوصاً جب 1857ء کی جنگ آزادی کے بعد مسلمان اپنا قومی وجود برقرار رکھنے کی کوشش میں مصروف تھے۔ نذیر احمد نے اپنے ناولوں کے ذریعے سے جمہور، خصوصاً طبقہ نسوا ں    کی نئی نسل کی معاشرتی واصلاحی تعلیم و تربیت کا بیڑا اٹھایا۔  ہم کہ سکتے ہیں اُن کے ناولوں کا مقصد مسلمانان ہند کی اصلاح اور ان کو صحیح راستے پر ڈالنا تھا۔  اصلاح کے ساتھ ساتھ انھوں نے اردو ادب کو اپنے ناولوں کے ذریعے بہترین کرداروں سے نوازا۔ ان کے...
مزید پڑھیں

اُردُو لکھنے میں کی جانے والی عام غلطیاں Urdu Lekhnay main ke jany wali Aam Ghaltian

تصویر
پہلی اُردُو کے مرکب الفاظ الگ الگ کر کے لکھنا چاہیئے، کیوں کہ عام طور پر کوئی بھی لفظ لکھتے ہوئے ہر لفط کے بعد ایک وقفہ (اسپیس) چھوڑا جاتا ہے، اس لیے یہ خود بخود الگ الگ ہوجاتے ہیں۔ دراصل تحریری اُردُو طویل عرصے تک ’کاتبوں‘ کے سپرد رہی، جو جگہ بچانے کی خاطر اور کچھ اپنی بے علمی کے سبب بہت سے لفظ ملا ملا کر لکھتے رہے۔ جس کی انتہائی شکل ہم ’آجشبکو‘ کی صورت میں دیکھ سکتے ہیں۔ بہت سے ماہرِ لسانیات کی کوششوں سے اب الفاظ الگ الگ کر کے لکھے تو جانے لگے ہیں، لیکن اب بھی بہت سے لوگ انہیں بدستور جوڑ کر لکھ رہے ہیں۔ بات یہ ہے کہ جب یہ اردو کے الگ الگ الفاظ ہیں، تو مرکب الفاظ کی صورت میں جب انہیں ملا کر لکھا جاتا ہے، تو نہ صرف پڑھنا دشوار ہوتا ہے، بلکہ ان کی ’شکل‘ بھی بگڑ جاتی ہے۔ مندرجہ ذیل میں ان الفاظ کی 12 اقسام یا ’طرز‘ الگ الگ کر کے بتائی جا رہی ہیں، جو دو الگ الگ الفاظ ہیں یا ان کی صوتیات کو سامنے رکھتے ہوئے انہیں الگ الگ کرکے لکھنا ضروری ہے۔ *جب کہ، چوں کہ، چناں چہ، کیوں کہ، حالاں کہ *کے لیے، اس لیے، اس کو، آپ کو، آپ کی، ان کو، ان کی *طاقت وَر، دانش وَر، نام وَر *کام یاب، کم یاب، فتح یاب،...
مزید پڑھیں