اُردُوالفاظ کے املا میں " ہا (ہ) " کا روّیہ 3 - Urdu Imla kay Aham Asol

اُردُوالفاظ کے  املا کے اہم اصول  (پ)






ہا   (ہ) اُردُو حروف تہجی کا چونتیسواں (34) حرف ہے۔


 اس کی تین اقسام ہیں۔


1. ہائے ملفوظ


2. ہائے مخلوط


3. ہائے مختفی


• ہائے ملفوظ (  ہ      )


اسے " ہائے کہنی دارہ "  بھی کہا جا سکتا ہے۔یہ حرف سالم ہے،الفاظ کے تَلَفُّظ میں اپنی الگ آواز رکھتا ہے۔

مثلاً                   یہاں، وہاں، گہر ،پہر، ہاتھ، کہا، رہا،  وغیرہ

• ہائے مخلوط یا دو چشمی  ہا  ( ھ   )


  یہ حروفِ تہجی کے بعض حروف سے مختلف برتاؤ کرتی ہے اور دوسرے حروف تہجی کے ساتھ مل کر یہ مرکّب حروفِ تہجی تشکیل دیتی ہے۔جو اصل حرف کی آواز میں بھاری پن پیدا کرتی ہے۔

مثلاً               بھائی، پھول، پھر، تھالی، ٹھوکر، دھوبی، ادھر، کدھر، دھول ، دھوکا، ڈھول وغیرہ

دو چشمی (ھ) کا رشتہ بالعموم ان حروف سے ہوتا ہے۔


ب بھ پ پھ ت تھ ٹ ٹھ
د دھ ڈ ڈھ ڑ ڑھ ک کھ
گ گھ ل لھ م مھ ن نھ
اگر ہائے ملفوظ کے الفاظ میں ہائے مخلوط کا املا کر دیا جائے تو معنویت تبدیل ہو سکتی ہے۔

ہائے ملفوظ   ہائے مخلوط
پہل            پھل
گہر       گھر
بہائی    بھائی
  کہا            کھا
پہر           پھر

آپ نے دیکھا کس طرح ہائے ملفوظ (کہنی دارہ) کی جگہ ہائے مخلوط (ھ) لکھنے سے مختف المعنی لفظ بن جاتا ہے،اسی پر دوسرے لفظ کا قیاس کیا جا سکتا ہے۔ لہذا ہائے ملفوظ والے الفاظ کو ہائے مخلوط سے ہرگز نہیں لکھنا  چاہیے۔ مثلاً  پہل کو پھل ،  چہرہ کو چھرہ، بہن کو بھن لکھنےسے نہایت مضحکہ خیز صورت بنے گی۔

5.مذکورہ قاعدے کےپیش ِ نظر مندرجہ ذیل الفاظ کو ہمیشہ دو چشمی (ھ) سے لکھنا چاہیے۔


دُلھن،دولھا،  چولھا،ادھر، کدھر، ننھا،  دھوکا،  کڑھائی،  ڈاڑھی ،چودھری، کولھو،    گھاٹی،  گھاٹ،    پھول،  تھالی،      تھال،   ٹھوکر،جھولی،کمھار، چھلنی، کھان۔۔۔۔۔

ذیل کے الفاظ کو ہمیشہ ہائے ملفوظ ( ہ ) سے لکھنا چاہیے۔

کہیں، نہیں، یہیں، یہی، وہی، انہی، یہ، وہ، یہاں،     کہاں، وہاں، جہاں، پہل، پہلا، پہلے،چہرہ، بہار،ٹہنی،   دوپہر،سہ پہر،پہننا ، پہنانا، پہچان، پہچاننا

اصولاً   تمہارا ، تمہاری،تمہارے، انہیں ، انہوں،جنہیں، جنہوں کو بھی دو چشمی ھ سے لکھنا چاہیے یعنی تمھارا، تمھاری،تمھارے، تمھیں، انھیں،انھوں، جنھیں، جنھوں۔لیکن ان الفاظ کو ہائے ملفوظ سے لکھنے کا چلن عام ہو گیا ہے اس لیے اس طرزِ املا کو غلط العام سمجھنا چاہیے۔


6. ہندی الفاظ کے آخر میں ہائے مختفی نہیں ہوتی اس لیے ان کو اُردُو میں لکھتے وقت آخر میں الف لکھنا چاہیے۔


دھوکہ        دھوکا
پیسہ              پیسا
دھیلہ     دھیلا
مہینہ               مہینا   
 کلیجہ           کلیجا
باڑہ          باڑا
کرتہ             کرتا
پہیہ                 پہیا

(یہ الگ بات ہے کہ اکثر اہلِ قلم ان کو پہلی صورت میں ہی لکھتے ہیں اس لیے غلط العام سمجھ کر اس طرز املا کو قبول کرنا پڑتا ہے۔بہرحال " ترجیح " دوسری صورت ہی کو حاصل رہے گی۔اُردُو سے سچی محبت تقاضا کرتی ہے کہ اس کو رواج دینے کی مقدور بھر سعی کرتے رہنا چاہیے۔)

تبصرے

ایک تبصرہ شائع کریں

اس بلاگ سے مقبول پوسٹس

اُردُو کے شرارتی حروف...

تصویر
شرارتی حروف: وہ حروف ہوتے ہیں جو اپنے سے پہلے آنے والے حرف سے دوستی کر کےاُسے اپنے ساتھ ملا لیتے ہیں مگر اپنے بعد آنے والے حرف سے دوستی نہیں کرتے اور ناں اُسے اپنےساتھ ملاتے ہیں بلکہ اُس سے فاصلہ کر لیتے ہیں اور اُسےاکیلا چھوڑ دیتے ہیں. (خود غرضی کی حد نہیں ویسے ۔۔۔؟) مثالیں ملاحظہ کریں ا... بات، کام، نام، عام، شام، انجام، آرام۔۔۔ د... بدن، دُودھ، دیوار، دکھ، دروازہ،  خدا، خدمت۔۔۔۔ ڈ... ڈبڈبانا، رنڈوا، ڈگری، ڈگمگانا، ڈُوبنا، ڈور، ڈوری۔۔۔۔۔ ذ... نذر، ذرّہ نواز، ذی آبرُو،  ذرا ذرا، ذرّات۔۔۔ ر... برس، طرح،  فرار، رات، راج، پریت،  راکھ۔۔۔۔   ڑ... ٹیڑھا، ریوڑ، ریوڑی، ریڑھا،۔۔۔(یہ حرف کسی لفظ کے شروع میں نہیں آتا۔) ز... زمزم، معجزہ،  زارینہ، زاغ، زانو، زرداری، زیادہ۔۔۔ ژ... ٹیلی ویژن،ژالہ باری، ژرف نگاہ و... تول، پول، نول، ہیولہ، علوم،نیولا۔۔۔ کچھ لوگ بھی ایسے ہی "سمارٹ" بنتے ہیں ناں...! کچھ نہ کچھ لینے کے لیے دوسروں کے ساتھ مل جانا... پر دوجیاں نوں کجھ دین لگیاں انہاں دی جان نکلدی اے 😜
مزید پڑھیں

مراۃ العروس کا تنقیدی و فکری جائزہ۔۔

تصویر
اُردُو زبان میں سب سے پہلے جس شخصیت نے باقاعدہ طور پر ناول نگاری کا آغاز کیا اس کا نام مولوی نذیر احمد ہے۔ ناقدین کی اکثریت نے مولوی صاحب کو اُردُو زبان کا پہلا ناول نویس تسلیم کیا ہے۔ کیونکہ ان کے ناول، ناول نگاری  کے فنی لوازمات پر پورے اترتے ہیں۔ اُنہوں نے اُردُو کا پہلا ناول " مراۃ العروس 1869ء" میں لکھا۔ "بنات النعش"، " توبتہ النصوح"،"فسانہ مبتلا "، "ابن الوقت"، "رویائےصادقہ"اور "ایامی ٰ" ان کے مشہور ناول ہیں۔  نذیر احمد نے یہ ناول انگریزی اد ب سے متاثر ہو کر لکھے۔ لیکن ا ن کا ایک خاص مقصدتھا۔ خصوصاً جب 1857ء کی جنگ آزادی کے بعد مسلمان اپنا قومی وجود برقرار رکھنے کی کوشش میں مصروف تھے۔ نذیر احمد نے اپنے ناولوں کے ذریعے سے جمہور، خصوصاً طبقہ نسوا ں    کی نئی نسل کی معاشرتی واصلاحی تعلیم و تربیت کا بیڑا اٹھایا۔  ہم کہ سکتے ہیں اُن کے ناولوں کا مقصد مسلمانان ہند کی اصلاح اور ان کو صحیح راستے پر ڈالنا تھا۔  اصلاح کے ساتھ ساتھ انھوں نے اردو ادب کو اپنے ناولوں کے ذریعے بہترین کرداروں سے نوازا۔ ان کے...
مزید پڑھیں

اُردُو لکھنے میں کی جانے والی عام غلطیاں Urdu Lekhnay main ke jany wali Aam Ghaltian

تصویر
پہلی اُردُو کے مرکب الفاظ الگ الگ کر کے لکھنا چاہیئے، کیوں کہ عام طور پر کوئی بھی لفظ لکھتے ہوئے ہر لفط کے بعد ایک وقفہ (اسپیس) چھوڑا جاتا ہے، اس لیے یہ خود بخود الگ الگ ہوجاتے ہیں۔ دراصل تحریری اُردُو طویل عرصے تک ’کاتبوں‘ کے سپرد رہی، جو جگہ بچانے کی خاطر اور کچھ اپنی بے علمی کے سبب بہت سے لفظ ملا ملا کر لکھتے رہے۔ جس کی انتہائی شکل ہم ’آجشبکو‘ کی صورت میں دیکھ سکتے ہیں۔ بہت سے ماہرِ لسانیات کی کوششوں سے اب الفاظ الگ الگ کر کے لکھے تو جانے لگے ہیں، لیکن اب بھی بہت سے لوگ انہیں بدستور جوڑ کر لکھ رہے ہیں۔ بات یہ ہے کہ جب یہ اردو کے الگ الگ الفاظ ہیں، تو مرکب الفاظ کی صورت میں جب انہیں ملا کر لکھا جاتا ہے، تو نہ صرف پڑھنا دشوار ہوتا ہے، بلکہ ان کی ’شکل‘ بھی بگڑ جاتی ہے۔ مندرجہ ذیل میں ان الفاظ کی 12 اقسام یا ’طرز‘ الگ الگ کر کے بتائی جا رہی ہیں، جو دو الگ الگ الفاظ ہیں یا ان کی صوتیات کو سامنے رکھتے ہوئے انہیں الگ الگ کرکے لکھنا ضروری ہے۔ *جب کہ، چوں کہ، چناں چہ، کیوں کہ، حالاں کہ *کے لیے، اس لیے، اس کو، آپ کو، آپ کی، ان کو، ان کی *طاقت وَر، دانش وَر، نام وَر *کام یاب، کم یاب، فتح یاب،...
مزید پڑھیں